اكاديمية الاعلام الحربي وكالة اخبارية اعلامية دولية
مقالات مشابهة
— توجهت كلٌ من الفنّانتين اللبنانيتين إليسا، ونانسي عجرم، برسالتين عبر حسابيهما الرسميين على منصة "إكس"، الأحد، أشارتا فيها لمعاناة النساء اللبنانيات في ظل الحرب التي تشهدها المنطقة، الأحد، وتزامنت رسالتيهما مع يوم المرأة العالمي، الذي يحتفل به عالميًا في 8 مارس/ آذار من كل عام.
وكتبت إليسا: "بيوم المرأة العالمي، تحية لكل امرأة، بلبنان ووين ما كان، اضطرت بزمن الحرب تترك بيتها مجبورة، ولكل أم سهرانة بالليل حتى ولادها ما يسمعوا صوت ويخافوا، ولكل صبية كان عندها أحلام ورافضة تتخلى عنها رغم الحرب والظروف، قلبي وتفكيري وصلاتي معكن، لو ما منكم، الحياة ما بتكفي".
وخاطبت الفنّانة اللبنانية نانسي عجرم، متابعيها قائلةً: " ذات الكلام عم يرجع ينحكى … ونفس الوجع عم يتكرر، عم توصلني رسايلكن بس صدقوني أوقات الكلمات بتعجز، وحتى الصمت ما بقى قادر يعبّر، القلب مليان خوف وقلق على بلدنا وعلى ناسنا.. الله يحمي لبنان ويحمي كل البلدان العربية من كل شر".
وأضافت: "لكل أم، ولكل امرأة عم تقرا هالكلمات؛ إنتِ القوة اللي واقفة بوجّ التعب، وإنتِ الأمل اللي بعدو مضوّى بهالعتمة. تحية كبيرة إلك.. وين ما كنتِ.. وجودك بيعمل فرق كبير بكل يوم".
واختتمت نانسي تدوينتها بالقول: "خلّونا نصلّي من القلب إنو تمرق هالإيام الصعبة بأقل أذى ممكن، وإنو يرجع الأمان لبلدنا لبنان، ولكل بلداننا العربية الحبيبة".
